Happy New Year -2025
૨૦૨૫નું નૂતનવર્ષ સર્વે રીતે સૌને શુભદાયી અને ફળદાયી નિવડે એજ શુભકામનાઓ….
નવું વર્ષ ૨૦૨૫ ઔદ્યોગિક અને વ્યાપારી ક્ષેત્રમાં નવી તકો અને નવી દિશાઓ લઈને આવ્યું છે. વિશ્વભરમાં વધતી ટેકનોલોજી, પર્યાવરણમિત્ર ઉદ્યોગો અને વૈશ્વિક વેપારના નવા માપદંડો ભારતમાં પણ મોટો બદલાવ લાવવાના છે.
ટેક્નોલોજી ઉદ્યોગોમાં પરિવર્તનો આવી રહ્યા છે. મેન્યુફેક્ચરિંગમાં ઓટોમેશન અને આર્ટિફિશિયલ ઈન્ટેલિજન્સ (AI) વધુ કાર્યક્ષમતા અને ગુણવત્તા વધારશે. રોબોટિક્સ, મશીન લર્નિંગ અને ઈન્ટરનેટ ઓફ થિંગ્સ (IoT) જેવા ક્ષેત્રોએ ફેક્ટરીઓ અને ઉત્પાદન પદ્ધતિઓમાં ક્રાંતિ લાવી છે. ૨૦૨૫માં, વધુ ઉદ્યોગો ટેક્નોલોજી અપનાવશે, જે નોકરીની નવી તકોનું સર્જન કરશે અને નિકાસક્ષમ ઉત્પાદન વધારશે.
ડિજિટલ ઈકોમર્સ અને ફિનટેક ઉદ્યોગોના વિકાસે નાના અને મધ્યમ ઉદ્યોગોને આંતરરાષ્ટ્રીય બજારમાં પ્રવેશની તક આપી છે. ડિજિટલ ચુકવણીઓ અને ડેટા એનાલિટિક્સ દ્વારા ગ્રાહકોની જરૂરિયાતોનું વિશ્લેષણ કરી ઉદ્યોગો વધુ પ્રભાવશાળી બની રહ્યા છે. ૨૦૨૫માં નાના વ્યવસાયિકો ડિજિટલ ટેકનોલોજીનો વધુ ઉપયોગ કરીને પોતાના ઉત્પાદનો અને સેવાઓ વિસ્તારી શકશે.
આર્થિક પ્રગતિ સાથે પર્યાવરણીય જવાબદારી પણ તાત્કાલિક મહત્વ ધરાવે છે. સોલાર ઉર્જા અને પવન ઉર્જા જેવા પાયા પર ઉદ્યોગો કાર્બન ઉત્સર્જનમાં ઘટાડો કરી રહ્યા છે. પર્યાવરણીય નીતિઓનું પાલન કરવાથી ઉદ્યોગોને વૈશ્વિક સ્તરે વધુ મજબૂત સ્થાન મળશે અને આપણી આવનાર પેઢીઓ માટે પર્યાવરણનું રક્ષણ કરવું એ જવાબદારી બની રહેશે.
વૈશ્વિક વેપારના નવા માપદંડો અને પુરવઠા શ્રેણીમાં થયેલા બદલાવ ભારતીય ઉદ્યોગો માટે નવો અવકાશ લાવશે. નિકાસની ગુણવત્તા સુધારવા માટે સતત દબાણો આવતા રહેશે, જ્યારે આયાત પરની નિર્ભરતા ઘટાડવા માટે સ્થાનિક ઉત્પાદનને પ્રોત્સાહન મળશે એવી નીતિઓ જરૂરી બનશે. ૨૦૨૫માં, ભારત આંતરરાષ્ટ્રીય બજારમાં વધુ સ્પર્ધાત્મક બનશે એમાં કોઈ શંકા નથી.
હવે રોજગારી ક્ષેત્રે ડિજિટલ કૌશલ્ય ધરાવતા કર્મચારીઓ માટે વધુ તકો ઉપલબ્ધ થશે. ટેક્નોલોજીના યુગમાં તાલીમ અને શિક્ષણ માટેની યોજનાઓ મજબૂત બનાવશે. નાનાં અને મધ્યમ ઉદ્યોગો માટે સરકાર પૂરું ધ્યાન આપે એવી આશા રાખીએ!
નવું વર્ષ ૨૦૨૫ નવી આશાઓ અને તકો સાથે આવે એવી આશા રાખીએ. નવી ટેકનોલોજીને અપનાવીએ અને પર્યાવરણીય જવાબદારીના સંકલન સાથે સંકટો અને મૂશ્કેલીઓને તકોમાં ફેરવી નાખીએ છીએ એટલે જ તો આપણે ગુજરાતીઓ છીએને? સતત કશુંક નવું સર્જન કરવાની એક ટેવ બનાવીએ, ક્ષેત્ર ભલે કોઈ પણ હોય! ગુજરાત ઇન્ડસ્ટ્રીયલ ટાઈમ્સ તરફથી સૌને હેપી ન્યુ યર-2025!!
તંત્રી-રાજેશ પટેલ
